Maxfiylik siyosati
Ushbu siyosat SherikMan xizmati (sherikman.uz sayti, Telegram bot @SherikMan_bot va Telegram Mini App) qanday shaxsiy ma'lumotlarni yig'ishi, ulardan nima uchun foydalanishi, qayerda saqlashi va sizning huquqlaringizni tushuntiradi. Xizmatdan foydalanib, siz ushbu siyosatga rozilik bildirasiz.
1. Ma'lumotlarga kim javob beradi
Ma'lumotlar operatori: SherikMan loyihasi. Savol va so'rovlar uchun aloqa: Telegram bot @SherikMan_bot.
2. Qanday ma'lumotlarni yig'amiz
| Turi | Nimalar | Qayerdan |
|---|---|---|
| Telegram hisobi | Telegram ID, username, ism va familiya, profil rasmi havolasi, til | Mini App yoki botni ochganingizda Telegram beradi |
| Anketa | Ism, jins, yosh, talaba yoki ishlashingiz, OTM yoki ish joyi, viloyat, budjet, tumanlar, ko'chish vaqti, odatlar (uyqu, tozalik, chekish, mehmonlar, shovqin, ovqat, uy hayvonlari), tillar, qiziqishlar, o'zingiz haqingizdagi matn | O'zingiz kiritasiz |
| E'lonlar | Sarlavha, tavsif, narx, tuman, joylar soni, qulayliklar, uy rasmlari | O'zingiz kiritasiz |
| Faollik | Sherik bo'lish takliflari va ularga qo'shilgan xabarlar, o'tkazib yuborilganlar, ochilgan kontaktlar, bloklashlar, shikoyatlar, sozlamalar, oxirgi kirish vaqti | Xizmatdan foydalanishingiz |
| Tasdiqlash hujjati | Botga yuborgan hujjat rasmingiz (talabalik guvohnomasi yoki ish joyidan hujjat) | O'zingiz /verify orqali yuborasiz |
| Texnik ma'lumotlar | IP manzil, brauzer turi, so'rov vaqti va manzili (server jurnallari) | Avtomatik |
| Sayt analitikasi | Ko'rilgan sahifalar, qurilma turi, taxminiy shahar, manba (Google Analytics) | Faqat sizning roziligingiz bilan, Cookie siyosatiga qarang |
Pasport ma'lumotlari, JShShIR, biometrik ma'lumotlar va to'lov ma'lumotlarini so'ramaymiz. Tasdiqlash uchun hujjat yuborayotganda raqamlar va yuz rasmini yopib yuborishingizni so'raymiz.
3. Nima uchun foydalanamiz
- Hisobingizni yaratish va Telegram orqali kirishni ta'minlash.
- Moslik foizini hisoblash va sizga mos odamlar hamda e'lonlarni ko'rsatish.
- Yangi takliflar va ochilgan kontaktlar haqida bot orqali xabar yuborish (sozlamalarda o'chirish mumkin).
- Profilni tasdiqlash, shikoyatlarni ko'rib chiqish, firibgarlik va qoidabuzarlikning oldini olish.
- Xizmatni yaxshilash uchun umumlashgan statistika.
Ma'lumotlaringizni sotmaymiz va reklama uchun uchinchi shaxslarga bermaymiz.
4. Kim ko'radi
- Boshqa foydalanuvchilar (faqat siz bilan bir jinsdagilar): anketangizdagi ism, yosh, o'qish yoki ish joyi, viloyat, budjet, tumanlar, odatlar, qiziqishlar, o'zingiz haqingizdagi matn, profil rasmi, tasdiqlangan belgisi va e'lonlaringiz. Telegram ID ko'rsatilmaydi.
- Telegram username faqat siz va boshqa odam bir-biringizning taklifini qabul qilgandan keyin o'sha odamga ochiladi.
- Moderatorlar: tasdiqlash hujjatlari va shikoyatlarni ko'rib chiqish uchun.
- Xizmat ko'rsatuvchilar: Telegram (bot va Mini App ishlashi uchun), Cloudflare (sayt himoyasi va tezligi), Google (faqat sayt analitikasi, roziligingiz bilan), server hosting provayderi.
- Qonunda belgilangan hollarda vakolatli davlat organlariga.
5. Qayerda saqlanadi
Ma'lumotlar bazasi va yuklangan rasmlar Fransiyada joylashgan serverda saqlanadi. Sayt Cloudflare tarmog'i orqali uzatiladi. Tasdiqlash hujjati rasmi Telegram serverlarida qoladi: biz faqat unga havolani saqlaymiz va moderator qaror qilgandan keyin havolani o'chiramiz.
Ma'lumotlarni saqlash va chegaradan tashqariga uzatish O'zbekiston Respublikasining "Shaxsga doir ma'lumotlar to'g'risida"gi Qonuni talablariga muvofiq amalga oshiriladi. Xizmat kengaygani sari ma'lumotlarni O'zbekistondagi serverga ko'chirishni rejalashtirganmiz.
6. Qancha muddat saqlanadi
- Anketa, e'lonlar, rasmlar, takliflar va ochilgan kontaktlar: hisobingizni o'chirguningizcha. Hisobni o'chirsangiz, ular darhol butunlay o'chiriladi.
- Bloklangan qoidabuzarlar haqidagi ma'lumot: takroriy ro'yxatdan o'tishning oldini olish uchun zarur muddatgacha.
- Server jurnallari: xavfsizlik uchun qisqa muddat, keyin avtomatik o'chiriladi.
- Analitika ma'lumotlari: Google Analytics sozlamalaridagi muddat (14 oygacha).
7. Sizning huquqlaringiz
- Ma'lumotlaringizni ko'rish va tuzatish: Profil bo'limida anketani tahrirlash.
- Profilni vaqtincha yashirish: Profil sozlamalari yoki botda /pause.
- Bildirishnomalarni o'chirish: Profil sozlamalari.
- Hisobni va barcha ma'lumotlarni o'chirish: Profil, "Hisobni o'chirish".
- Analitika roziligini istalgan vaqtda qaytarib olish: sahifa pastidagi "Cookie sozlamalari".
- Ma'lumotlaringizdan nusxa olish yoki boshqa so'rov: botga yozing, 30 kun ichida javob beramiz.
- Huquqlaringiz buzilgan deb hisoblasangiz, vakolatli davlat organiga murojaat qilishingiz mumkin.
8. Yosh chegarasi
Xizmat 16 yoshdan katta foydalanuvchilar uchun. 16 yoshga to'lmagan bo'lsangiz, ro'yxatdan o'tmang.
9. Xavfsizlik
Sayt va Mini App faqat HTTPS orqali ishlaydi. Mini App'dan kelgan har bir so'rov Telegram imzosi bilan tekshiriladi. Ma'lumotlar bazasiga faqat server ichidan kirish mumkin. Kontaktlar faqat o'zaro rozilikdan keyin ochiladi.
10. O'zgarishlar
Siyosat o'zgarsa, shu sahifada yangi sana bilan e'lon qilamiz. Muhim o'zgarishlar haqida bot orqali xabar beramiz.